Lumino

Описание

Монголын хөвгүүдийн хип хоп стилээр дуулдаг Lumino хамтлагийн суурийг 1996-1997 онд Jason буюу Аврага хэмээх хар арьст залуу тавьж, 1998 онд хамтлаг Skitzo буюу Д. Анхбаатар, Chinzo буюу Чинзориг, M.C буюу Д. Тэмүжин гэсэн 3 хүний бүрэлдэхүүнтэй уран бүтээлээ хийж эхэлсэн байна. Хамтлаг эхний 3 дуугаа хийсний дараа уран бүтээлээ түр завсарласан байна. 1999 оноос Ган-Хөлөг, Б. Бат-Хишиг (хуучин Трио хамтлагт байсан) нарыг хамтлагт гишүүнээр аван 5 хүний бүрэлдэхүүнтэй уран бүтээлээ эхэлсэн юм. Тус хамтлагийн "Би чамд хайртай", "Бүтэлгүй хайр" зэрэг хит дуунууд нь хамтлагийг олонд таниулж нэр хүндтэй болгож өгсөн билээ. 2000 оны 11 сард хамтлагийн гишүүн Чинзориг Англи улсад суралцахаар болж, мөн хамтлагийн гишүүн Ган-Хөлөг бие дааж уран бүтээл хийхээр 2001оны 2 сард хамтлагийг орхисон байна . Хожим нь Ган-Хөлөг Mr. Dogs хамтлагт дуулж байсан. 2002 онд уг хамтлагийн "Ирээд буцсан хайр минь", "Баярлалаа, Ухаарлаа" зэрэг хитүүдийг нь агуулсан "Ирээд буцсан хайр минь" цомог гарсан юм. Мөн хамгийн сүүлд 2003 онд тус хамтлаг "Гэрэлт хорвоод" цомгоо гаргасан байна. Энэхүү цомогт багтсан "Намайг дагаад цэнгэ" дууны клип нь нилээд шүүмжлэлд өртөөд байгаа юм. Одоо тус хамтлаг нь M.С, Skitzo, Baji гэсэн 3-н хүний бүрэлдэхүүнтэйгээр уран бүтээлээ туурьваж байна. А если не вдаваться в подробности, то группа тех кто ценит качественный монгольский хип-хоп от группы Люмино.